ملك الأصفر....................................................إزرع

ملك الأصفر

زجل باللهجة العامية
بعنوان. إزرع
بقلمي
.............................
إزرع إزرع أوعك تقطع
خلي الورد ببيتك يلمع
زرعلك كم شجرة بهالدار
ومن بعدا شوف وإقشع
....................
زرعلك شي شجرة يسمين
تضحك زهراتا الحلوين
ولمن بتشمن ياعين
بريحتهن بدك تسكر
.....................
زرعلك شي شجرة نارنج
بألوانا تضوي وتوج
ومن تحتا ينبت هالمرج
وأحلى سهرية بتسهر
.....................
زرعلك شي شجرة ليمون
بيوقف عليها الحسون
بتسمع منو أحلى فنون
موسيقى عذبة بتسحر
......................
زرعلك شي شجرة رمان
ولبلابة مع بيلسان
بتقعد إنت وهالجيران
بتشرب قهوة مع سكر
........................
زرعلك شي وردة جورية
وريحان وفلة بلدية
وكل يوم من عند الصبحية
بتفوح روايح عنبر
.......................................
د . ملك محمود الأصفر