الصوره قدام عينى واضحه
صوره صافيه بدون رتوش
والعمايل ليكوا.... فاضحه
كلكم طبعا............ وحوش
ف متقولوش مبادئنا سمحه
دا الطلب تملوا .... الكروش
واطلعوا بوشوشكوا بجحه
طلبها تجمع ..... ف القروش
وخلو بالكوا وشوشكوا شالحه
لاقنعتكوا ... ف .. متداروش
النوايا اللى ..... ما طارحه
غير ضلام وسواد... وشوش
يا غدارين لقلوب مسامحه
راحت تصلى رجعت نعوش
واتعدمت جواها .... فرحه
انتو فجر ...... ماتندموش
بتضحكوا وايديكوا دابحه
حتى الزهور ..مابيسلموش
فا رحلوا ارضى ما صالحه
للى منكوا... ف ماتلاقوش
رد غير ... درعى و رمحه
فا نتوا غايرين ماهتدموش
ومية النيل ليكوا .. مالحه
عمرها ما تروى( الدعوش)
وانسوا يوم نعمل مصالحه
ذنب ... دم .... منغفروش
رد مصر ........ وبمصارحه
حق .. ابنى .. ماهنسيبوش
دينكم انتم عمايله شارحه
غير الخراب . ما بتعرفوش
دين ابونا ( دين مسامحه)
دين ابوكوا .... مانعرفوش
المصرى العربى الحر
الشاعر.. محمد الشاذلي
ليست هناك تعليقات:
إرسال تعليق