عم ( عادي ).....
مش بيحلم ...مهما نام
مش بياكل ..غير كلام
ماشي بيكلم ف نفسه ...
و الزمن عمال يعاكسه ...
عم عادي بس نفسه ..
يلقي موته و السلام
عم ( عادي ) شكله شكلك
و لا شكلي بالتمام
عمره باعه و ما سألشي
يسوي كام !!!!!!
عم عادي عاشها عادي
مش ف باله يكون لئيم
ماشي جوه الحيطه عادي
ماشي علي فيض الكريم
عم عادي قالوا مات
ناس قالوها بدمع عين
وناس تقول ازاي دا فات
جنب بيتنا من يومين..؟!
عم عادي بينا حي
ساكن قلب كل حي
ولما صبره ف يوم يروح
هتلاقوه من نومه جي
بيحاسبنا حساب مش عادي
سيد صادق
ليست هناك تعليقات:
إرسال تعليق