ياكبتن الطايره من قبل ترفعها
خذني معك لي ديره لاتخليني
النفس ضاقت وَيَا مكثر مواجعها
من ضيقه الصدر ياربي تواسيني
ودي أغيب عن داري وو اوادعها
في رحله تسعد الخاطر وترضيني
القلـب يرتـاح وعيـوني امتعـها
في ديرة كل مافيها يسليني
دراهمي ما احتفض فيها ولا اودعها
ان عشت ماني بضامنها على يديني
العمر مره وانا مادامني معها
خلوني اسج فيما تعشقه عيني
و الله ما أخزن الدينار و امنعها
لو ينشف الدم كله في شرايني
ليست هناك تعليقات:
إرسال تعليق