*** حـب كبيــر
---------------
لمــا القلـب يـبقـي أسيــر
واللا الورد مفهش عبيـر
واللا الهجـر بدون تفسير
يبقي كتيـر دا يبقي كتيــر
لما تزول م الدنيا الطيبـه
واللا الحلـم يطـرح خيبه
لمــا حيـاتنـا تبقي كـئيبـه
بدون تفكير دا يبقي كتير
لما الحب يكـون بـشروط
واللا كـلام الحب سكوت
يموت القلب ويشبع موت
ويموت الخير يبقي كتيـر
لما حيـاتنـا تنسـي الفـرح
تلقي جراحنا بتـزيد جرح
حتي الحب عتاب وشرح
وكمان تقصير يبقي كتير
لما تطبطب أيـدي عليـك
واحلف إني بقلبي شاريك
دمع عيـوني كفـايه عليك
ودمع غـزير يبقي كتيــر
أوعاك تخسر قلب بحبـك
وقت الشـدة واقف جنبـك
بقلبه يحبك ولايوم عاتبك
كــأنـه أجيــر يبقي كتيـر
نفسي امبارح يتعاد تـاني
لما كان بيفوت في ثواني
دموع الفرح كانت سبقاني
كان الحب مالـوش تفسير
حـب كبيـر عُمـره كتيــر
-----[مبروك البنا]-----
ليست هناك تعليقات:
إرسال تعليق