وضمينى
يا ست الحسن بين دراعاتك البيضا
فى ليل مجهول من الألوان
يبين صورتك اللولى على مرايتى
يزغزغ شفتك رمشك
ساعيت البدر ما يشوفك
ولا يسبلش فى عيونه
وساعه الشمس ما تزقزق
وتيجى تشتكى م الحر والحرقه
وجو الليل وم الفرقه
وصوت البلبل المزعج
وضله فى وسط تكعيبتك
مانيش عايز انا انستر
سيبونى فى العرا وحدى
ابدل بين كتاف جسمى شيل كومتين
واطبش بين غبار لحمى وبين دمى
افتش جلدى ما اعترشى
على الطينه اللى جوايا
مع ان الارض اهه فاضيه
ومستنيه نجرفها ونهدمها
وصورتك بذره جوايا
جدورها بعتقها راشق
وعاشق جدرها ليا
بتحنالى وبتميلى
وانا اطلع فوق على كتافها وبتشيلنى
وبتربع
واحطط لقمتى جنبى
والغوص فى الطبق لابيض
الاقى صورتك الحلوه عسل أبيض
وانا طول عمرى بحلم به
عشان يبيض فيه .....عمرى
احمد الحلى
ليست هناك تعليقات:
إرسال تعليق