أخو البنات للشاعر المبدع عاطف عمر

( أخو البنات )

للشاعر / عاطف عمر

** جاءت على خمس بنات.

** قبل ما يشتد عودى والدى مات.

** اتحملت المسئوليه كده من سكات.

** لأنى بالفعل ..جاءت على خمس بنات.

** اشتغلت حاجات كتير مبحبهاش.

** اشتغلت وكمان سفرت لحد ما عمري راح بلاش.

** اتمنيت ساعتها إكون حاجه لسه مشفتهاش.

** اتمنيت اكون طبيب...

** او باشمهندس...

** او عضو مجلس...

** واعمل يافته من قماش.

** اتمنيت حاجات كتير ...بس العمر راح مجاش.

**لما دخلت اعمل جراحة ..كنت اريد لأمي تعيش.

**كنت بموت وأكدب عليها بنام على انعمها ريش.

** واتكتبلي عمر تاني بعد ما فقدت انى اعيش.

** صدقونى الموت كان اهون ..بس اهلي مينسونيش.

** الفلوس...

** عملت ايه ليه الفلوس.

** غيرت كل النفوس.

** اصبح الكل يدوس ..لما خلصت الفلوس.

** خلت الدنيا تبوس...اصبحت اكبر كبوس .

** الفلوس...

** قالو دى عايزه جهاز...قالو دا عايز عروس.

** قالو دى فى العلم ماشي ويلزمه حتة قاموس.

** قالو ده فلاح نشيط...ويلزمه عجل جاموس.

** لما خلصت الفلوس.

** ما لقيتش حد يكون جاليس.

** ولا ونيس..

** غير وحدتي واليأس.

** كان ليه جاسوس.

** تاني هـ تقولي الفلوس.

** الفلوس مع التيوس. 

** وانا كنت اكبرها تيس.

** لما تخليت عن شبابي..لما راح وجهي البشوش.

** تانى هـ تقولى الفلوس.

** لما خلصت الفلوس الكل راح.

** كل واحد ظهرت حقيقته في الصباح.

** كله بيقول يلا نفسي..كل شئ اصبح مباح.

** ظلم ايه...

** طب ما احنا دايما مظلومين.

** انت ايه..

** انت كنت في الشمال جبناك يمين.

** روح بقا احنا مبنحبش ما بينا زعلنين.

** احنا أخدنا فلوسك..

** صحتك...وبقينا فعلا مبسوطين.

** ايه يعني فرد يتعب...او يمرض..

او يموت...ونكون احنا مرتاحين.

** انت عشت كتير دلع مع ابوك ايام زمان.

** واحنا كنا صغيرين.

** انت اخدت بدل الفلوس رحمه وحنان .

**واحنا مانعرفش حتى ..احنا مين.

** انت خلاص راحت عليك..اتركنا بدام طمعين.

**انت ايه..

** يا سيدي افهم...يلا غور.

** نوعدك من اليوم لا هنسلم عليك

ولا نغير.

** بس اكيد لما تموت...هنحط على قبرك زهور.

**واكيد هنفرح..ونعملك الذكرى بعيدان البخور.

** يا سيدى حس.. 

** افهم بقا..

** معدش فيك ذرة قبول.

** ارحل بقا..

** قبل ما نحجر عليك.والناس فى سيرتنا تقول.

** انت كنت لنا وسيله...او كمان شيال هموم.

** انت لا تجينا ولا نجيلك فى عيد.

** وأكيد هنبدأ عام جديد ...وكمان سعيد....