( العمر كله كان يوم وليله )
الشاعر عاطف عمر
** تفتكر ..زى النهارده..!
** زى ما يكون اتقابلنا عمر كله فى يوم وليله.
** أيوه...فاكر......
فاكر الساقيه القديمه.
فاكر الجرن الكبير جنب اسوار المدينه.
** كنا نمشي جنب السور مسافات طويله.
** كنا نحكي..ايوه نحكى ..حواديت ألف ليله.
** كنا نتقابل بلهفه عاشقين . كنا نتقابل بلهفه فى الميعاد قبل ما يموت حد فينا.
** كنا نبكى م الفرح .
كنا نبكى من الفرح ينزل الدمع فى عينينه. كنا نبكى بالدموع على عمر راح...على عمر راح ولو فى راحه.
** أى راحه...وانت كنت بعيد يا عمرى ..
أى راحه حبيبي....
أى راحه وبعدك مناحه.
** كنت لما تفوتني أنسي .
أنسي انى عايشه..
واحلف انى ما كنت عايشه.
ما انت عارف انى حضنك كله راحه.
وانى كلامى وكلامك كله.
كله مبنى على الصراحه.
** ياااااه..
يااااه على العمر اللى راح .
قبل ما أحبك يا روحى .
كنت ببكي.
كنت ببكي كل يوم تنزف جروحي.
كنت لم تفوتني ابكى.
ودمعتي تشرح ظروفي.
كنت اخجل حتى اقولك خليك شويه كنت احس بالامان وانا بين ضلوعك جوه حضنك.
كنت عايشه جوه روحك.
حتى كان باين عليه فى انتسامتى.
**عارفه ....
عارفه انى يا روحى اشبهلك كتير .
ونفس ملامحك ملامحى.
كنت عارفه .انى سري وضع فى بير.
مش خايفه اقولك .
مش خايفه منك.
وكنت عارفه .أنك هـ تمشي .
بعد ساعه او كتير لازم هـ تمشي.
كنت عارفه انك ملاك.
والملاك ما يعيش على الأرض. وما يمشي.
الملاك لازم يطير .
الملاك له أجنحه ولازم يطير.
** أما أنا.........
انا ليه رب أسمه الكريم.
وهعيش على ذكرى غرامك.
وهفتكر دايما كلامك.
حتي قلبي هـ أقفله لحضرة جنابك.
وهـعيش على ذكراااااك لحد ما اكون معاك. ما انا ميته وانت هناك.
** هصلي وأصوم وأجتهد .
وفى حدود بسيطه راح أدق بابك.
وهعيش انا وانت بجنه...
هى جنتك من يوم مل لقُنت الشهاده.
بقلم.عاطف عمر
ليست هناك تعليقات:
إرسال تعليق