حق ميت
الشاعر عاطف عمر
لو دمع عيني فى يوم يجف
أكيد ساعتها أنا راح أخف
مشيت كتير وتعبت لف
ورمش عينى يكف ....رف
حطيت همومي صحيح برف
بين حق ميت و زور يزف
@@@@@@@
لون الحقيقه لون الصدف
معدش زاهى زى.. الخزف
بقي شئ رخيص زى الشرف
بعنا الشرف بحبة... قرف
والكل فى طريقه أنحرف
@@@@@@@
** لو عشنا ١٠٠ مليون سنه هنعيش
تحف..
** حتى التحف صارت صناعى مبقتش تصنع من الخزف.
** أهل زمان عاشو ع الشموع.اهل الصناعه والحرف.
** واهل الوقاحه سكنو القصور عايشين على نور النجف.
** حتى الرخيص خايل وعايق فى الشرف.
** كأنه متفصل عليه..كأنه بيحبه بشغف.
@@@@@@@
** كان الاصيل يأكل هواء داخل رغيف.
** الطعم خالي من السموم لو أكله
حاف.
** لا يخشي حد ...بلا خلاف.
** من الرب واحده كان ...يخاف.
** لو شئ بسيط كان يرتجف.
ويقول لشيطانه أنصرف.
ليست هناك تعليقات:
إرسال تعليق