*** اتعلمت القسوه
------------------
*اتـعلمــت القـسـوه عـليـــه
ميـن قـســاك بعــد الـحنيــه
واللانسيت معني الأخلاص
ومعني كــلام عينـك لعنيـه
*بعد الشـوق واللهفه عليــه
بنفـس القلـب بـتغــدر بـيــه
هجــرك والله صعـب عليـه
وانت حبيبي وضي عـنيــه
*عايش عُـمرهـواك سـواح
وهـَـرب قـلبي لـقلبــك راح
مَلِيت روحي هموم وجراح
يبـأي حـرام تعمل كـده فيـه
*ليـه القسـوه وليه بتــداري
ليه بتشعـلل شـوقي ونـاري
قلبـــك ليَّــه روحي وداري
والله صعب عليـك وعـليَّــه
*اتغيـرت كتير مش عارفه
واللا عنيه بقت مش شـايفه
لمـا بتبعــد أفضــل خــايفـه
حتي النـوم ما تشـوفه عنيه
* عنـدك ليَّه كـلام وعتـاب
طعـم البُعـد مـرار وعـذاب
قلـت لي مـرّه إننـا أحبــاب
و اللا بتنسي كـلامـك لـيَّـه
*انـا قلبي مش حِمــل دلال
و انت حبيبي و ليـك ميـال
أهـوي عنيك يابو قد غزال
ميـن قـســاك بعــد الـحنيــه
------[مبروك البنا]------
ليست هناك تعليقات:
إرسال تعليق