#بلياتشو ..
أنا نبع السعادة...
وأنا اللى ما حد يوم نصفوا.
أزرع على وشوشكم الضحكه.
وأحصد أنا أحزانكم....
وأنا اللى بالدمع مليان...
يبان عليا الفرح ...
لكن من جوايا تعبان..
أفتح ستار المسرح..
وجمهور عريض مالى المطرح.
أقول كلام كتير يفرحكم.
وحركات كمان تضحكم .
وأما تنزل الستار ...
دمع فى قلبي يدبحنى.
ماشي الدنيا بالمقلب..
أنا أضحك حتى الطوب.
ونصيبى الغربه ما بينكم.
مكتوب عليا أفرحكم.
ومن جوا إنسان بيموت.
بهزر كتير ومش سائل ..
وأخر دمعة نزلت مش فاكر.
هتعدى بالجد أو بالساهل..
وهتدبدل الحكايات..
ربك كبير وبيجبر..
كسر الروح كمان يجبر..
يارب يجبر خواطركم..
والسعاده تبان على وشوشكم.
وأكون سبب يفرحكم ..
حتى لو قولتم دا بلياتشووو...
